Nagtapos ang mga intern mula sa iba’t ibang panig ng bansa, kabilang ang mga kabataang kalahok mula sa CALABARZON, sa isinagawang National Graduation Ceremony sa ilalim ng Youth Internship Program on Organic Agriculture (YIPOA) na ginanap sa Great Eastern Hotel, Quezon City.
Ang YIPOA ay programang ipinatutupad ng DA-National Organic Agriculture Program (NOAP) at ng DA-Agricultural Training Institute (ATI), katuwang ang DA-Regional Field Offices (RFOs) sa buong bansa.
Ang Batch 2, na nagmula sa iba’t ibang bayan ng rehiyon ay nagsimula ng kanilang internship program noong nakaraang taong 2024. Matagumpay nilang natapos ang 21-buwang programa sa ilalim ng masusing paggabay at pagsasanay ng kanilang mga farmer-mentor.
Ang YIPOA ay binubuo ng dalawang mahahalagang yugto:
- 9-buwang farm internship, kung saan sumalang ang mga intern sa gawaing pang-agrikultura sa mga katuwang na Learning Sites for Agriculture (LSAs) ng kanilang farmer-mentors; at
- 12-buwang implementasyon ng kanilang mga aprubadong business enterprise proposal, na nagbigay-daan upang mailapat nila ang mga natutunan at makapagtayo ng sarili nilang organikong kabuhayan sa kani-kanilang komunidad.
Binati at binigyang-pugay ni Center Director Dr. Rolando Maningas ang mga intern dahil sa kanilang dedikasyon, sipag, at kagustuhang iangat ang organikong pagsasaka. Pinuri rin niya ang kanilang hangaring yakapin ang organikong pamamaraan sa kanilang sariling mga taniman at proyekto.
Samantala, buo rin ang suporta ni Regional OA Focal Person na si Regional Technical Dir. Felix Joselito Noceda na dumalo rin sa nasabing pagtatapos.
Iginawad ni Engr. Remelyn Recoter, DA-ATI Director, kasama sina Dir. Bernadette San Juan ng DA-NOAP at Atty. Alvin John Balagbag na kinatawan ni DA Sec. Francisco Tiu-Laurel Jr. ang mga sertipiko at plake ng pagtatapos at pasasalamat sa mga intern at farmer-mentors.
Dumalo rin ang mga kinatawan ng iba’t ibang DA-RFO sa buong bansa, bilang patunay ng malawak na suporta sa adbokasiya ng organikong agrikultura at pagsasanay ng kabataan.
Narito ang tala ng mga nagtapos na interns at kanilang mga farmer-mentor, at ang kani-kanilang aprubadong business plan na matagumpay nilang naisakatuparan:
|
Paul Rafael S. Avendaño |
Growing Fresh and Organic: Vinland Integrated Nature Farm's Pole Sitaw, |
Ma. Cristina M. Gascon |
|
Claudette Anne E. Aguila |
Organic Salad Components of Simula Agricultural Farm |
|
|
Richard Rae Z Reyes |
R's Pig Farm |
Agripina R. Ochoa |
|
Niño Jhammel M. Loba |
Ang Baboy Niño |
|
|
Ariel M. Ramos |
OPV Lagkitan Corn Production |
Aida C. Briones |
|
John Paulo D. Belen |
Egg's To Go: An Affordable Organic Eggs Production For a More Profitable Young Livestock Farmer |
|
|
Jefherson C. Talavera |
Pig Farming |
Nenieveh F. Glinoga |
|
Gemareah M. Reynoso |
Kagubatan Food Production: Bring the Taste of Nature Closer to Every Home |
|
|
Camille Diana L. Maralit |
Mushroomara Farm-Oyster Mushroom Production |
Ma. Louchel S. Labay |
|
Jino A. Aunzo |
Vermicomposting Project |
Ulat ni: Soledad E. Leal (Agriculturist II / PAS)
