“Thank you so much for giving ATI a place in your heart. The fact that some of you are a bit emotional means a lot to us. It means that natuhog namin ang puso nyo. Yun ang importante sa development work, dapat tamaan muna ang puso bago ang utak, and all things will follow.”
Sa mga salitang ito ni ATI Bicol Center Director Elsa Parot, masaya bagama’t emosyonal na nagtapos ang sampong estudyante mula sa Central Bicol State University of Agriculture (CBSUA) sa isang buwan na On-the-Job Training (OJT) nila sa ATI. Ang Culminating Activity ng 2022 CBSUA Midyear OJT Training ay ginanap noong ika-5 ng Agosto 2022 sa Calaguas Hall, ATI Bicol, San Agustin, Pili, Camarines Sur.
Dagdag pa ni Ma’am Elsa, “Kung masuwerte kayo, mas masuwerte kami dahil napakarami naming natutunan at napakinabangan from you. Salamat dahil pinaramdam nyo sa amin na marami rin pala kaming na-contribute sainyong wellbeing.”
