CAMALIG, Albay — "There should be shared responsibility. Ito ay kailangan natin ngayon." Sa mga salitang ito ni Albay Governor Noel Rosal, masayang nagpahayag sya ng suporta mula sa panlalawigang pamahalaan ng Albay para sa Coconut Farmers and Industry Development Program (CFIDP).
Ito ay naganap sa CFIDP Information Caravan na isinagawa sa Negosyo Auditorium, Albay Farmers Bounty Village, Cabangan, Camalig, Albay nitong ika-31 ng Agosto, 2022.
Ang Info Caravan ay naganap sa pagtutulungan ng ATI Bicol, Philippine Coconut Authority (PCA) Regional Office V, at Albay Provincial Agricultural Services. Sa nasabing forum, tinalakay ng representante ng iba't ibang CFIDP implementing agencies ang kani-kanilang nakalaang serbisyong napapaloob sa CFIDP.
- Philippine Crop Insurance Corporation (PCIC)
- Technical Education and Skills Development Authority (TESDA)
- Cooperative Development Authority (CDA)
- DA-National Dairy Authority (NDA)
- Philippine Center for Postharvest Development and Mechanization (PhilMech)
- Development Bank of the Philippines (DBP)
- Land Bank of the Philippines (LandBank)
Pahayag ni Ms. Elsa Ani Parot, Training Center Superintendent II ng ATI Bicol, "We are very positive that the coconut industry will find its niche in agriculture. This is the beginning of the new chapter in the coconut industry."
Samantala, pinahalagahan ni PCA Regional Manager Mateo Zipagan ang paglahok ng bawat magniniyog sa CFIDP. "Isa sa layunin ng CFIDP ay mabago ang pananaw ng kabataan upang kasama sila sa pagsulong ng industriya ng pagniniyog."
